24aSport

Andrea Pirlo është gjithnjë e më larg Juventusit dhe torinezët po mendojnë për ta zëvendësuar “regjisorin” italian. Dëshira e tyre më e madhe në rast se lojtari largohet është spanjolli Xavi Alonso. Këtij të fundit i mbaron kontrata në verën e ardhshme, dhe nuk ka ndërmend të rinovojë. Por, nga ana tjetër, edhe Pirlo mendon të largohet.
Ai pëlqehet së tepërmi nga trajneri Carlo Ancelotti, që e ka stërvitur atë te Milani. Sipas mediave të huaja, të dyja klubet kanë nisur të diskutojnë mundësinë e shkëmbimit mes dy mesfushorëve. Vetë Alonso s’do të ishte kundër kalimit te klubi bardhezi, ku do të merrte 4 mln euro në sezon. Nga ana tjetër, trajtimi i bërë nga “Zonja e Vjetër” ndaj Pirlos dhe plani për uljen e rrogës së tij e ka mërzitur atë.
Por, edhe nëse Pirlo nuk kalon te “galaktikët”, të shumta janë ekipet që duan shërbimet e tij. Në Premier League ka një interesim të madh nga katër klube të mëdha për italianin. Në garë janë Chelsea, Tottenhami, United dhe Arsenali.