24aSport

Portieri i Barcelonës, Victor Valdes konfirmon sërish se ky do të jetë sezoni i fundit me fanelën blaugrana. Pas suksesit 4-0 ndaj Ajaxit ku gardiani katalanas priti edhe një 11-metërsh, shprehet se do t’i pëlqente që ta mbyllte aventurën në “Camp Nou” me një kupë Kampionesh në koleksionin e tij.
“Jam shumë entuziast dhe dua ta mbyll karrierën te Barcelona me një Champions League. Nuk më pengon aspak fakti që do të largohem, madje mund të them se më motivon më shumë”.
Numri 1 i portës së gjigandëve katalanas flet edhe për ndeshjen e parë sezonale në Champions League.
“Arritëm të mbroheshim shumë mirë dhe unë dhashë maksimumin për të neutralizuar aksionet e kundërshtarëve”.

Valdes u bashkua me skuadrën C të Barcelonës në vitin 2000, por i ngjiti me shpejtësi shkallët e karrierës pasi pasi 3 sezone më vonë u kthye në një pikë referimi për skuadrën e parë.